ಮಾವಿನಹಣ್ಣಿನ ಸೀಕರಣೆ (ರಸಾಯನ) / Mango Seekarane

Click here for English version.

ಮಾವಿನ ಹಣ್ಣಿನ ಸೀಜನ್ ಬಂತೆಂದರೆ ಸಾಕು, ನಮ್ಮೂರ ಕಡೆ ಎಲ್ಲರ ಮನೆಗಳಲ್ಲೂ ಮಾವಿನ ಹಣ್ಣಿನ ಘಮ ಘಮ ಪರಿಮಳ ಮನೆತುಂಬ ಪಸರಿಸಿರುತ್ತದೆ. ಈ ವರ್ಷವಂತೂ ಯಾರನ್ನು ಕೇಳಿದರೂ ಒಂದೇ ಮಾತು: 'ಸಿಕ್ಕಾಪಟ್ಟೆ ಮಾವಿನ ಹಣ್ಣು ತಿಂದುಬಿಟ್ಟೆ' ಎಂದು! ಆದರೆ ಈ ವರ್ಷ ನಮಗೆ ಮಾತ್ರ ಇಷ್ಟು ದಿನಗಳವರೆಗೆ ಮಾವಿನ ಹಣ್ಣು ತಿನ್ನುವ ಭಾಗ್ಯ ಒದಗಿರಲಿಲ್ಲ... ಈಗ ಸ್ವಲ್ಪ ದಿನಗಳಿಂದ ಮೆಕ್ಸಿಕೋದಿಂದ ಬರುವ ಮಾವಿನ ಹಣ್ಣುಗಳು ಕೆಲವು ಅಂಗಡಿಗಳಲ್ಲಿ ದೊರೆಯುತ್ತಿವೆ.
ಮೊದಲೊಮ್ಮೆ ಮಾವಿನ ಸೀಕರಣೆ ಮಾಡಿದ್ದೆ. ಆದರೆ ಏಕೋ ಬ್ಲಾಗ್ ನಲ್ಲಿ ಹಾಕಲು ಆಗಿರಲಿಲ್ಲ. ಈಗ ಬ್ಲಾಗ್ ನ 50ನೇ ಪೋಸ್ಟಿಂಗ್ ನ ಸಿಹಿ ನೆನಪಿನೊಂದಿಗೆ ಈ ಸೀಕರಣೆ:) 


ಸರ್ವಿಂಗ್: 3 ಜನರಿಗೆ ಆಗುತ್ತದೆ 
ತಯಾರಿಸಲು ಬೇಕಾಗುವ ಸಮಯ  : 20 - 30 ನಿಮಿಷಗಳು 

ಬೇಕಾಗುವ ಸಾಮಗ್ರಿಗಳು:
ಮಾಗಿದ ಮಾವಿನಹಣ್ಣು - 2
ಸಕ್ಕರೆ ಅಥವಾ ಬೆಲ್ಲ - ಸಿಹಿಯಾಗುವಷ್ಟು
ಚಿಟಿಕೆ ಉಪ್ಪು
ಏಲಕ್ಕಿ ಪುಡಿ - 1/4 ಚಮಚ
2 1/2 - 3 ಲೋಟ ಹಾಲು
ತೆಂಗಿನ ತುರಿ (ಬೇಕಿದ್ದರೆ) - 1/2 ಲೋಟ 
 
ಮಾಡುವ ವಿಧಾನ:
ಮಾವಿನಹಣ್ಣನ್ನು ಸಿಪ್ಪೆ ತೆಗೆದು, ಸಣ್ಣ ಹೋಳುಗಳಾಗಿ ಹೆಚ್ಚಿಕೊಳ್ಳಿ.
 
ತೆಂಗಿನ ತುರಿಯನ್ನು ನುಣ್ಣಗೆ ರುಬ್ಬಿಕೊಳ್ಳಿ. ತೆಂಗಿನ ತುರಿ ಬಳಸದಿದ್ದರೆ ಅರ್ಧ ಲೋಟದಷ್ಟು ಮಾವಿನ ಹೋಳುಗಳನ್ನು ಮಿಕ್ಸಿಯಲ್ಲಿ ನುಣ್ಣಗೆ ರುಬ್ಬಿ ಪಲ್ಪ್ ತಯಾರಿಸಿಕೊಳ್ಳಿ.
ಒಂದು ಪಾತ್ರೆಯಲ್ಲಿ ಹೆಚ್ಚಿದ ಮಾವಿನಹಣ್ಣು, ಚಿಟಿಕೆ ಉಪ್ಪು, ಚೆನ್ನಾಗಿ ಸಿಹಿಯಾಗುವಷ್ಟು ಸಕ್ಕರೆ ಅಥವಾ ಬೆಲ್ಲ, ಹಾಲು, ರುಬ್ಬಿದ ತೆಂಗಿನ ತುರಿ ಅಥವಾ ಮಾವಿನ ಪಲ್ಪ್ ಸೇರಿಸಿ ಕಲಕಿ. ಕೊನೆಯಲ್ಲಿ ಏಲಕ್ಕಿ ಪುಡಿ ಸೇರಿಸಿ.
 
ಈ ಸೀಕರಣೆ ಹಾಗೇ ತಿನ್ನಲೂ ಚೆನ್ನಾಗಿರುತ್ತದೆ. ಇದನ್ನು ದೋಸೆ, ಚಪಾತಿ ಅಥವಾ ಪೂರಿಯೊಡನೆಯೂ ತಿನ್ನಬಹುದು.

ಕಾಮೆಂಟ್‌ಗಳು

  1. VAni avre,
    anthu blog prapanchadalli obru kannadathi sikkiddu bala santhosha..nimma seekarane bala sulabha mathu ruchi kuda..namma chikkamma balane madthare..:) adige chennagide..nimage alli mavina hannu ashtondu sigade irodu vicharakara..nija illanthu thinnovre illa..astondu sakagide..

    ಪ್ರತ್ಯುತ್ತರಅಳಿಸಿ
  2. Hi Lakshmi, nimma comment nodi tumba khushi aytu..nija, naanu mavin hanne sigalvallappa illi anta andkondidde! Ivaga parvagilla, sikta ide :)
    Nangoo embroidery madodu andre ishta..sadyakke ondu saree work madtideeni..nimma blog tumba chennagide.. Keep visiting my blog..Thank you :)

    ಪ್ರತ್ಯುತ್ತರಅಳಿಸಿ

ಕಾಮೆಂಟ್‌‌ ಪೋಸ್ಟ್‌ ಮಾಡಿ

Hi, Thanks for dropping in. I will be happy to hear your feedback :)